ШУТИС-ийн Нийгэм, хүмүүнлэгийн сургууль нь 2025.05.07-ны өдөр БНСУ-ын Бэксок их сургуультай (Baekseok University) хамтын ажиллагааны санамж бичиг байгууллаа.

Хамтын ажиллагааны уулзалт, ярилцлагад НХС-ийн захирал доктор, дэд профессор Я.Төгөлдөр, эрдэмтэн нарийн бичгийн дарга доктор, дэд профессор Л.Амартүвшин, ТСАЖТ-ийн эрхлэгч доктор, дэд профессор О.Болормаа, ахлах багш доктор, дэд профессор Ц.Батцэрэн, ахлах багш Э.Энхцолмон болон Бэксок их сургуулийн Бүсийн инновац, хөгжүүлэлт хариуцсан захирал Kim Hyei Kyung нар оролцлоо. Хамтын ажиллагааны хүрээнд багш, оюутан солилцох, хамтарсан хөтөлбөр хэрэгжүүлэх, хамтарсан эрдэм шинжилгээ, судалгааны ажил эрхлэхээр тогтов. Бэксок их сургууль нь нийт 15000 гаруй оюутантай бөгөөд тус сургууль нь нийгмийн ухааны хөтөлбөрүүд болон нийгмийн ажил, аялал жуулчлал, философи, мэдээллийн технологи чиглэлээр сургалт, эрдэм шинжилгээний үйл ажиллагаа өргөн хүрээнд явуулдаг байна.